"Bavariya" yarim himoyachisi Leon Goreska "Real" bilan bo‘lajak uchrashuvdan oldingi umidlari bilan o‘rtoqlashdi.

30 aprel kuni jamoalar Myunxenda to‘qnash kelishsa, 8 may kuni Madridda javob o‘yini bo‘lib o‘tadi va unda Chempionlar ligasi finali yo‘llanmasi taqdiri hal bo‘ladi.

"O‘ylashimcha, "Arsenal" bilan o‘yinlarda bo‘lgani kabi, "Real"ga qarshi ham shunday lahzalar bo‘ladiki, biz chidashimiz kerak.

Ushbu bosimni muvaffaqiyatli yengish juda muhimdir. "Real" birorta ham xavfli imkoniyat yaratmasdan ikkita gol urishga qodir.

Bu jamoadagi futbolchilar ajoyib individual mahorat va aql bovar qilmas ruhiyatga ega. Bizni jiddiy sinov kutmoqda", - dedi Goreska.