"Бавария" ярим ҳимоячиси Леон Горецка "Реал" билан бўлажак учрашувдан олдинги умидлари билан ўртоқлашди.
30 апрель куни жамоалар Мюнхенда тўқнаш келишса, 8 май куни Мадридда жавоб ўйини бўлиб ўтади ва унда Чемпионлар лигаси финали йўлланмаси тақдири ҳал бўлади.
"Ўйлашимча, "Арсенал" билан ўйинларда бўлгани каби, "Реал"га қарши ҳам шундай лаҳзалар бўладики, биз чидашимиз керак.
Ушбу босимни муваффақиятли енгиш жуда муҳимдир. "Реал" бирорта ҳам хавфли имконият яратмасдан иккита гол уришга қодир.
Бу жамоадаги футболчилар ажойиб индивидуал маҳорат ва ақл бовар қилмас руҳиятга эга. Бизни жиддий синов кутмоқда", - деди Горецка.
