“Liverpul” hujumchisi Muhammad Saloh jamoada kamida bir mavsum qolishga qaror qildi, deya xabar bermoqda jurnalist Devid Ornshteyn.

31 yoshli misrlik yozgi transfer oynasida jamoani tark etish haqidagi fikrini o‘zgartirdi. Oldinroq The Sun forvard bosh murabbiy Yurgen Klopp bilan birga klubni tark etishi haqida xabar bergandi.

Saloh joriy mavsumda “Liverpul” safida 41 ta o‘yinda maydonga tushib, 24 ta gol urdi va 13 ta golga assistentlik qildi.

Futbolchining jamoa bilan shartnomasi 2025 yilning iyun oyi oxirigacha amal qiladi.