“Ливерпуль” ҳужумчиси Муҳаммад Салоҳ жамоада камида бир мавсум қолишга қарор қилди, дея хабар бермоқда журналист Девид Орнштейн.

31 ёшли мисрлик ёзги трансфер ойнасида жамоани тарк этиш ҳақидаги фикрини ўзгартирди. Олдинроқ The Sun форвард бош мураббий Юрген Клопп билан бирга клубни тарк этиши ҳақида хабар берганди.

Салоҳ жорий мавсумда “Ливерпуль” сафида 41 та ўйинда майдонга тушиб, 24 та гол урди ва 13 та голга ассистентлик қилди.

Футболчининг жамоа билан шартномаси 2025 йилнинг июн ойи охиригача амал қилади.