O‘zbekistonda tug‘ilgan, ammo futbolchilik faoliyati davomida Qozog‘iston terma jamoasi sharafini himoya qilgan Qayrat O‘taboyev O‘zbekiston olimpiya terma jamoasining muvaffaqiyati haqida o‘z fikrini bildirib o‘tdi.

«Birinchi navbatda O‘zbekiston terma jamoasini tabriklayman. Bu jamoaning muvaffaqiyati haqida to‘xtaladigan bo‘lsam, barchasi reja asosida bajarildi. Bolalar futbolini rivojlantirish kerak.

Bundan tashqari, O‘zbekiston aholisining o‘sib borishiga ahamiyat bering. Bu esa raqobatni yuzaga keltiradi. Agar sog‘lom raqobat bo‘lsa, natijaning o‘zi keladi. Qozog‘istonning kelajakdagi natijalari bevosita bolalar va o‘smirlar futbolining rivojiga bog‘liq», — dedi O‘taboyev.