Sloveniya terma jamoasi va Madridning “Atletiko” klubi darvozaboni Yan Oblak Angliya Premyer-ligasining top-klubida o‘ynash imkoniyatiga ega.

Jurnalistlarning xabar berishicha, 31 yoshli darvozabon xizmatlariga Londonning “Chelsi” klubi qiziqish bildirmoqda. “Matraschilar”, o‘z navbatida, yaxshi taklif tushsa, sloveniyalikni sotishga tayyor. Madridliklar tarkibni yoshartirmoqchi.

Joriy mavsumda Oblak jamoa safida 50 ta o‘yinda ishtirok etdi. Darvozabon 64 ta gol o‘tkazib yubordi va 13 uchrashuvda darvozasini daxlsiz saqlab qoldi. Eslatib o‘tamiz, darvozabon 2014 yildan buyon "Atletiko"da o‘ynab kelmoqda.