Словения терма жамоаси ва Мадриднинг “Атлетико” клуби дарвозабони Ян Облак Англия Премьер-лигасининг топ-клубида ўйнаш имкониятига эга.
Журналистларнинг хабар беришича, 31 ёшли дарвозабон хизматларига Лондоннинг “Челси” клуби қизиқиш билдирмоқда. “Матрасчилар”, ўз навбатида, яхши таклиф тушса, словенияликни сотишга тайёр. Мадридликлар таркибни ёшартирмоқчи.
Жорий мавсумда Облак жамоа сафида 50 та ўйинда иштирок этди. Дарвозабон 64 та гол ўтказиб юборди ва 13 учрашувда дарвозасини дахлсиз сақлаб қолди. Эслатиб ўтамиз, дарвозабон 2014 йилдан буён "Атлетико"да ўйнаб келмоқда.
