"Xetafe" prezidenti Anxel Torres hujumchi Meyson Grinvudning kelajagi haqida fikr bildirdi. Xabaringiz bor, 22 yoshli forvard ayni paytda ispan klubida ijara asosida to‘p tepmoqda.
"Agar hammasi ota-onasi va klubiga bog‘liq bo‘lsa, menimcha, u yana bir yil shu yerda qoladi. "Manchester Yunayted"ning g‘oyasi, agar yaxshi taklif bo‘lsa, Grinvudni sotish. Biz kutishimiz kerak. O‘ylaymanki, u qoladi”, - dedi Torres.
Meyson Grinvud “Xetafe” safida 32 ta rasmiy o‘yinda o‘nta gol urdi va oltita golli uzatmani amalga oshirdi.
