"Хетафе" президенти Анхель Торрес ҳужумчи Мэйсон Гринвуднинг келажаги ҳақида фикр билдирди. Хабарингиз бор, 22 ёшли форвард айни пайтда испан клубида ижара асосида тўп тепмоқда.
"Агар ҳаммаси ота-онаси ва клубига боғлиқ бўлса, менимча, у яна бир йил шу ерда қолади. "Манчестер Юнайтед"нинг ғояси, агар яхши таклиф бўлса, Гринвудни сотиш. Биз кутишимиз керак. Ўйлайманки, у қолади”, - деди Торрес.
Мэйсон Гринвуд “Хетафе” сафида 32 та расмий ўйинда ўнта гол урди ва олтита голли узатмани амалга оширди.
