Madridning “Real” klubi bosh murabbiyi Karlo Anchelotti Chempionlar ligasi yarim finalida “Bavariya”ga qarshi javob o‘yinida qaysi darvozabon maydonga tushishini aytdi.
Eslatib o‘tamiz, dam olish kunlari Tibo Kurtua jarohati tufayli uzoq vaqt tanaffusdan so‘ng mavsumdagi ilk o‘yinini o‘tkazdi.
"Lunin "Bavariya"ga qarshi asosiy tarkibda maydonga tushadi. Kurtua "Kadis"ga qarshi o‘yinda yaxshi o‘ynadi, ammo unga optimal formaga kirishi va o‘zining eng yaxshi versiyasiga aylanishi uchun hali vaqt kerak", - dedi Anchelotti matbuot anjumanida.
Eslatib o‘tamiz, Lunin noyabr oyidan beri Madridning “Real” klubining asosiy darvozaboni hisoblanadi. Ukrainalik futbolchi "Chelsi"dan ijaraga olingan Kepa Arrisabalagani raqobatda yengdi.
