Мадриднинг “Реал” клуби бош мураббийи Карло Анчелотти Чемпионлар лигаси ярим финалида “Бавария”га қарши жавоб ўйинида қайси дарвозабон майдонга тушишини айтди.
Эслатиб ўтамиз, дам олиш кунлари Тибо Куртуа жароҳати туфайли узоқ вақт танаффусдан сўнг мавсумдаги илк ўйинини ўтказди.
"Лунин "Бавария"га қарши асосий таркибда майдонга тушади. Куртуа "Кадис"га қарши ўйинда яхши ўйнади, аммо унга оптимал формага кириши ва ўзининг энг яхши версиясига айланиши учун ҳали вақт керак", - деди Анчелотти матбуот анжуманида.
Эслатиб ўтамиз, Лунин ноябрь ойидан бери Мадриднинг “Реал” клубининг асосий дарвозабони ҳисобланади. Украиналик футболчи "Челси"дан ижарага олинган Кепа Аррисабалагани рақобатда енгди.
