Emmanuel Peti "PSJ" va "Borussiya" o‘rtasida bo‘lib o‘tadigan Chempionlar ligasi yarim finali haqida gapirdi.

"PSJ" javob yarim finalida "Borussiya"ni qabul qiladi (0:1 - birinchi o‘yin).

"Bugun birinchi soniyadayoq parijliklar "Borussiya"ning tomog‘idan oladi. “PSJ”da 90 daqiqa bor, sabr qilish mumkin, deganlar ham bor. Ammo bu to‘g‘ri emas.

Muammo shundaki, vaqt o‘tgani sari, hisob hali ham 0:0 bo‘lsa, bosim tobora kuchayib boradi. Dastlabki 20 daqiqa juda muhim.

O‘ylaymanki, parijliklar qasos olishlari kerak", - dedi Fransiya, "Arsenal" va "PSJ"ning sobiq futbolchisi Emmanuel Peti.