"Manchester Yunayted" yozgi mavsumda bosh murabbiyini o‘zgartirishi mumkin.
Goal portalining xabar berishicha, "qizil iblislar" bosh murabbiyi lavozimiga mavsum oxirida "Bavariya"ni tark etadigan Tomas Tuxel asosiy favorit hisoblanadi.
Shu bilan birga, "Manchester Yunayted"ning qisqa ro‘yxatida yana uchta yulduz murabbiy bor - Zinedin Zidan, Garet Sautgeyt va Yulian Nagelsmann.
Zidan 3 yildan buyon murabbiylik qilmadi, Sautgeyt va Nagelsmann esa Angliya va Germaniya terma jamoasini boshqarmoqda.
Hozirda "Manchester Yunayted" bosh murabbiyi lavozimini Erik ten Xag egallab turibdi.