"Marsel"da ijara asosida to‘p tepayotgan hujumchi Xoakin Korrea tez orada "Inter"ga qaytadi.
Argentinalik futbolchining ijara shartnomasida agar “Marsel” Chempionlar ligasiga yo‘llanma olsa, uni qaytarib sotib olish majburiyati bor edi, biroq kecha jamoa YEL yarim finalida mag‘lub bo‘ldi va eng nufuzli yevrokubok yo‘llanmasini qo‘lga kiritish uchun so‘nggi imkoniyatidan mahrum bo‘ldi.
Provansliklar Yevropa Ligasi yarim finalida “Atalanta”ga mag‘lub bo‘lishdi (umumiy hisob – 1:4), Liga 1da esa to‘rtinchi o‘rindagi “Lill”dan 11 ochko ortda qolgan holda to‘qqizinchi o‘rinni egallab turibdi. Shu tariqa, 29 yoshli forvard mavsum yakunlangach, “neradzurrilar” lageriga qaytadi.
