Angliya Premyer-ligasi aprel oyining eng yaxshi futbolchisini aniqladi. Sovrinni “Chelsi”ning hujumkor yarim himoyachisi Koul Palmer qo‘lga kiritdi.
Palmer o‘tgan oy Angliya chempionatida to‘rtta o‘yin o‘tkazdi. Ularda futbolchi yettita gol urdi va bitta golli uzatma berdi.
Qizig‘i shundaki, "Chelsi" vakili oxirgi marta 2018 yilning sentyabrida APLda oyning eng yaxshi futbolchisiga aylangan edi.