"Bavariya" o‘z safiga 17 yoshli vunderkind Estevao Villianni jalb qilmoqchi.
"Palmeyras" vingeri, ishonchli ma’lumotlarga ko‘ra, "Chelsi" bilan shaxsiy kelishuvga erishgan. Jurnalist Tyago Fernandesning so‘zlariga ko‘ra, “Bavariya” o‘sib borayotgan yulduzni londonliklardan tortib olishni kutmoqda – myunxenliklar ehtimoliy bonuslarni hisobga olgan holda jami 60 million yevro to‘lashga tayyor.
"Chelsi" esa 35 million yevroni taklif qildi. Estevao Villian Messinyo (kichik Messi) laqabi bilan mashhur. Braziliyalik yosh futbolchi “Palmeyras”ning asosiy tarkibida 14 ta o‘yinda maydonga tushib, 3 ta gol urdi va bitta golli uzatmani amalga oshirdi.
