"Бавария" ўз сафига 17 ёшли вундеркинд Эстевао Виллианни жалб қилмоқчи.
"Палмейрас" вингери, ишончли маълумотларга кўра, "Челси" билан шахсий келишувга эришган. Журналист Тьяго Фернандеснинг сўзларига кўра, “Бавария” ўсиб бораётган юлдузни лондонликлардан тортиб олишни кутмоқда – мюнхенликлар эҳтимолий бонусларни ҳисобга олган ҳолда жами 60 миллион евро тўлашга тайёр.
"Челси" эса 35 миллион еврони таклиф қилди. Эстевао Виллиан Мессиньо (кичик Месси) лақаби билан машҳур. Бразилиялик ёш футболчи “Палмейрас”нинг асосий таркибида 14 та ўйинда майдонга тушиб, 3 та гол урди ва битта голли узатмани амалга оширди.
