"Jirona" hujumchisi Artyom Dovbik mavsumni juda sermahsul o‘tkazmoqda. Ayni damda ukrainalik futbolchi Ispaniya La Ligasi to‘purarlari poygasida 20 ta gol bilan peshqadamlik qilmoqda va ikkinchi o‘rindagi “Real” hujumkor yarim himoyachisi Jud Bellingemdan ikkita gol oldinda.

So‘nggi haftalarda 26 yoshli Dovbikning "Barselona"ga o‘tishi haqida xabarlar tarqaldi. Biroq “Jirona” bu yozda hujumchini sotmaslikka qaror qildi. Bu haqda Todofichajes portali AS nashriga tayanib xabar bermoqda.

Eslatib o‘tamiz, “Jirona” keyingi mavsum uchun Chempionlar ligasiga yo‘llanmani qo‘lga kiritdi. Jamoa tarixda ilk bor qit’aning klublar o‘rtasidagi asosiy turnirida ishtirok etadi.