"Жирона" ҳужумчиси Артём Довбик мавсумни жуда сермаҳсул ўтказмоқда. Айни дамда украиналик футболчи Испания Ла Лигаси тўпурарлари пойгасида 20 та гол билан пешқадамлик қилмоқда ва иккинчи ўриндаги “Реал” ҳужумкор ярим ҳимоячиси Жуд Беллингемдан иккита гол олдинда.
Сўнгги ҳафталарда 26 ёшли Довбикнинг "Барселона"га ўтиши ҳақида хабарлар тарқалди. Бироқ “Жирона” бу ёзда ҳужумчини сотмасликка қарор қилди. Бу ҳақда Todofichajes портали AS нашрига таяниб хабар бермоқда.
Эслатиб ўтамиз, “Жирона” кейинги мавсум учун Чемпионлар лигасига йўлланмани қўлга киритди. Жамоа тарихда илк бор қитъанинг клублар ўртасидаги асосий турнирида иштирок этади.
