"Inter" bosh murabbiyi Simone Indzagi Lautaro Martinesning golsiz seriyasi haqidagi savolga javob berdi.
Argentinalik hujumchi A Seriyaning bugungi o‘yinida “Frozinone” darvozasini ishg‘ol qildi va o‘yin "neradzurrilar"ning 5:0 hisobidagi g‘alabasi bilan yakunlandi.
"Neradzurrilar" sardori uchun bu gol klubi safidagi 28 fevraldan beri birinchi gol bo‘ldi. “Biz uning golsiz seriyasi haqida gapirgan edik, lekin u bizning sardorimiz va unutmasligimiz kerakki, aynan uning 91-daqiqadagi goli bu mavsumda Italiya Superkubogini qo‘lga kiritishimizga yordam berdi va u bizning eng yaxshi to‘purarimiz bo‘ldi" - dedi Indzagi.
