Yakshanba kuni “Arsenal” yorqin o‘yin ko‘rsata olmadi, biroq ayni paytda “Manchester Yunayted”ni mehmonda minimal 1:0 hisobida mag‘lub etishga muvaffaq bo‘ldi.
Mikel Arteta jamoasi Premyer-liga chempionligi uchun kurashni davom ettirmoqda. Qizig‘i, joriy Angliya chempionatida "Arsenal" "katta oltilik" deb atalgan jamoalarga yutqazmadi.
"Manchester Siti", "Liverpul", "Tottenxem", "Chelsi" va "Manchester Yunayted"ga qarshi o‘tkazilgan 10ta o‘yinda "kanonirlar" oltita g‘alaba qozonishdi va to‘rtta durang qayd etishdi.
"Arsenal" bu mavsumda APLda besh marta mag‘lubiyat alamini totib ko‘rdi. Arteta jamoasi “Aston Villa” (ikki marta), “Nyukasl”, “Vest Xem” va “Fulxem”ga yutqazdi.
