Якшанба куни “Арсенал” ёрқин ўйин кўрсата олмади, бироқ айни пайтда “Манчестер Юнайтед”ни меҳмонда минимал 1:0 ҳисобида мағлуб этишга муваффақ бўлди.
Микель Артета жамоаси Премьер-лига чемпионлиги учун курашни давом эттирмоқда. Қизиғи, жорий Англия чемпионатида "Арсенал" "катта олтилик" деб аталган жамоаларга ютқазмади.
"Манчестер Сити", "Ливерпуль", "Тоттенхэм", "Челси" ва "Манчестер Юнайтед"га қарши ўтказилган 10та ўйинда "канонирлар" олтита ғалаба қозонишди ва тўртта дуранг қайд этишди.
"Арсенал" бу мавсумда АПЛда беш марта мағлубият аламини тотиб кўрди. Артета жамоаси “Астон Вилла” (икки марта), “Ньюкасл”, “Вест Хэм” ва “Фулхэм”га ютқазди.
