UEFA yevrokuboklar finaliga hakamlarni tayinladi.
1 iyun kuni bo‘lib o‘tadigan Chempionlar ligasi finalida Dortmundning «Borussiya»si va «Real» o‘rtasidagi uchrashuvni sloveniyalik hakam Slavko Vinchich boshqarib boradi.
Ruminiyalik hakam Ishtvan Kovach 22 may kuni bo‘lib o‘tadigan Yevropa Ligasi finali «Atalanta» – «Bayer» uchrashuviga tayinlandi.
Portugaliyalik Artur Soaresh Dias 29 may kuni «Olimpiakos» va «Fiorentina» o‘rtasidagi Konferensiyalar ligasi finalida ishlaydi.
25 may kuni bo‘lib o‘tadigan ayollar chempionlar ligasi finali «Barselona» - «Lion» uchrashuvini angliyalik Rebekka Uelsh boshqarib boradi.