УЕФА еврокубоклар финалига ҳакамларни тайинлади.

1 июнь куни бўлиб ўтадиган Чемпионлар лигаси финалида Дортмунднинг «Боруссия»си ва «Реал» ўртасидаги учрашувни словениялик ҳакам Славко Винчич бошқариб боради.

Руминиялик ҳакам Иштван Ковач 22 май куни бўлиб ўтадиган Европа Лигаси финали «Аталанта» – «Байер» учрашувига тайинланди.

Португалиялик Артур Соареш Диас 29 май куни «Олимпиакос» ва «Фиорентина» ўртасидаги Конференциялар лигаси финалида ишлайди.

25 май куни бўлиб ўтадиган аёллар чемпионлар лигаси финали «Барселона» - «Лион» учрашувини англиялик Ребекка Уэлш бошқариб боради.