Bugun «Lokomotiv» stadionida Superliga 7-turidan o‘rin olgan «Lokomotiv» - OKMK bahsi bo‘lib o‘tadi. Ushbu o‘yin 19:00da start oladi.

Aytish mumkinki, bugun ketma-ket o‘rinlarda borayotgan jamoalar o‘zaro bahsi guvohi bo‘lamiz. «Lokomotiv» 6ta o‘yindan so‘ng 8 ochko to‘plab 9-o‘rinni egallab turgan bo‘lsa, OKMK ham 8 ochko to‘plagan va faqat to‘plar nisbatiga ko‘ra, bitta pog‘ona yuqorida turibdi.

Har ikki jamoa mavsum boshidan beri 2tadan o‘yinda g‘alaba qozonib, ikki bor durang o‘ynadi va ikkita uchrashuvda mag‘lub bo‘ldi.

«Lokomotiv» «Olimpik» va «Paxtakor»dan ustun kelib, «Metallurg» va «Qizilqum» bilan durang qayd etdi hamda «Andijon» va «Navbahor»ga kimkoniyatni boy berdi. Jami o‘yinlarda to‘plar nisbati 7-8.

OKMK esa o‘z maydonida «Dinamo» va «Bunyodkor»ni mag‘lub etib, «Andijon» va «Navbahor» bilan durang o‘ynadi, shuningdek «Surxon» va «Nasaf» bilan bahslarda mag‘lub bo‘ldi. Umumiy to‘plar nisbati 9-8.

«Lokomotiv» safida gol urgan futbolchilar:
2 - Dilshod Komilov
2 - Damyan Krayishnik
2 - Sardor Abdunabiyev
1 - Ivan Bulatovich

OKMK safida gol urgan futbolchilar:
3 - Sardor Rahmonov
1 - Milyan Shkrbich
1 - Nodirbek Abdurazzoqov
1 - Arihiro Sentoku
1 - Aziz Xolmurodov
1 - Ali Abdurahmonov
1 - Avazbek O‘lmasaliyev.