Бугун «Локомотив» стадионида Суперлига 7-туридан ўрин олган «Локомотив» - ОКМК баҳси бўлиб ўтади. Ушбу ўйин 19:00да старт олади.

Айтиш мумкинки, бугун кетма-кет ўринларда бораётган жамоалар ўзаро баҳси гувоҳи бўламиз. «Локомотив» 6та ўйиндан сўнг 8 очко тўплаб 9-ўринни эгаллаб турган бўлса, ОКМК ҳам 8 очко тўплаган ва фақат тўплар нисбатига кўра, битта поғона юқорида турибди.

Ҳар икки жамоа мавсум бошидан бери 2тадан ўйинда ғалаба қозониб, икки бор дуранг ўйнади ва иккита учрашувда мағлуб бўлди.

«Локомотив» «Олимпик» ва «Пахтакор»дан устун келиб, «Металлург» ва «Қизилқум» билан дуранг қайд этди ҳамда «Андижон» ва «Навбаҳор»га кимкониятни бой берди. Жами ўйинларда тўплар нисбати 7-8.

ОКМК эса ўз майдонида «Динамо» ва «Бунёдкор»ни мағлуб этиб, «Андижон» ва «Навбаҳор» билан дуранг ўйнади, шунингдек «Сурхон» ва «Насаф» билан баҳсларда мағлуб бўлди. Умумий тўплар нисбати 9-8.

«Локомотив» сафида гол урган футболчилар:
2 - Дилшод Комилов
2 - Дамян Крайишник
2 - Сардор Абдунабиев
1 - Иван Булатович

ОКМК сафида гол урган футболчилар:
3 - Сардор Раҳмонов
1 - Милян Шкрбич
1 - Нодирбек Абдураззоқов
1 - Ариҳиро Центоку
1 - Азиз Холмуродов
1 - Али Абдураҳмонов
1 - Авазбек Ўлмасалиев.