Madridning “Real” klubi Ispaniya chempionatida gol o‘tkazib yubormaslik bo‘yicha klubning yangi rekordini o‘rnatdi.
La Liganing 36-turida Karlo Anchelotti shogirdlari “Santyago Bernabeu”da “Alaves”ni mag‘lub etishdi (5:0).
"Real" joriy mavsumdagi 20-o‘yinda gol o‘tkazib yubormadi va klub tarixidagi eng yaxshi natijani ko‘rsatdi. Andrey Lunin madridliklar safida 10 ta, Kepa Arrisabalaga 7 ta, Tibo Kurtua uchun 3 ta o‘yinda gol o‘tkazib yubormagan.
Oldingi rekord 19 ta o‘yinni tashkil etgan: 1986/87 va 1987/88.
