RPL "RPL Qahramonlari" mukofoti doirasida 2023/24 yilgi mavsumning eng yaxshi futbolchisi sovrini uchun o‘n nafar nomzodni e’lon qildi.
Yakuniy ro‘yxatga "Dinamo" hujumchisi Konstantin Tyukavin kiritilgan. 21 yoshli futbolchi Rossiya chempionatida ishtirok etgan 28 uchrashuvda 15 gol va 10 golga assistentlik qilgan.
Sovrin uchun Tyukavindan tashqari darvozabonlar Yevgeniy Latishonok («Baltika») va Aleksandr Maksimenko («Spartak»), himoyachi Srdjan Babich («Spartak»), yarim himoyachilar Eduard Spersyan («Krasnodar), Irakliy Kvekveskiri («Fakel») va Abbosbek Fayzullayev (SSKA), shuningdek, hujumchilar Jon Kordoba («Krasnodar»), Maksim Glushenkov («Lokomotiv») va Mateo Kassyerra («Zenit») ham kiritilgan.
G‘olib 26 may kuni ovoz berish orqali aniqlanadi. Hakamlar hay’ati tarkibiga murabbiylar, jamoa sardorlari, sharhlovchilar va futbol afsonalari kiradi. Ovozlar teng bo‘lgan taqdirda, muxlislardan eng ko‘p ovoz to‘plagan futbolchi eng yaxshi deb topiladi.
2022/23 yilgi mavsumda "Zenit"da to‘p tepgan braziliyalik hujumchi Malkom RPLning eng yaxshi futbolchisi deb topilgandi.
