РПЛ "РПЛ Қаҳрамонлари" мукофоти доирасида 2023/24 йилги мавсумнинг энг яхши футболчиси соврини учун ўн нафар номзодни эълон қилди.

Якуний рўйхатга "Динамо" ҳужумчиси Константин Тюкавин киритилган. 21 ёшли футболчи Россия чемпионатида иштирок этган 28 учрашувда 15 гол ва 10 голга ассистентлик қилган.

Соврин учун Тюкавиндан ташқари дарвозабонлар Евгений Латишонок («Балтика») ва Александр Максименко («Спартак»), ҳимоячи Срджан Бабич («Спартак»), ярим ҳимоячилар Эдуард Сперцян («Краснодар), Ираклий Квеквескири («Факел») ва Аббосбек Файзуллаев (ЦСКА), шунингдек, ҳужумчилар Жон Кордоба («Краснодар»), Максим Глушенков («Локомотив») ва Матео Кассьерра («Зенит») ҳам киритилган.

Ғолиб 26 май куни овоз бериш орқали аниқланади. Ҳакамлар ҳайъати таркибига мураббийлар, жамоа сардорлари, шарҳловчилар ва футбол афсоналари киради. Овозлар тенг бўлган тақдирда, мухлислардан энг кўп овоз тўплаган футболчи энг яхши деб топилади.

2022/23 йилги мавсумда "Зенит"да тўп тепган бразилиялик ҳужумчи Малком РПЛнинг энг яхши футболчиси деб топилганди.