"Aston Villa" Premyer-liganing kuchli to‘rtligidan joy oldi.
Demak, Unai Emeri shogirdlari kelasi mavsumda Chempionlar ligasida Angliya sharafini himoya qiladi.
Qit’aning asosiy klublar musobaqasiga yo‘l olganiga qaramay, "Aston Villa" yozgi transfer oynasida kamida bitta yirik transferni amalga oshirishi kerak, ya’ni klubdan kimdir ketishi lozim.
Bu Premyer-liganing moliyaviy zararni bartaraf etish qoidalariga rioya qilish uchun zarur, deb xabar beradi The Sun nashri.
Bu holat jiddiy muammo tug‘dirmoqda, chunki “Aston Villa” bosh murabbiyi Unai Emeri, shubhasiz, Chempionlar ligasi uchun iqtidorli futbolchilar ko‘magidan foydalanishni xohlaydi.
