"Астон Вилла" Премьер-лиганинг кучли тўртлигидан жой олди.
Демак, Унаи Эмери шогирдлари келаси мавсумда Чемпионлар лигасида Англия шарафини ҳимоя қилади.
Қитъанинг асосий клублар мусобақасига йўл олганига қарамай, "Астон Вилла" ёзги трансфер ойнасида камида битта йирик трансферни амалга ошириши керак, яъни клубдан кимдир кетиши лозим.
Бу Премьер-лиганинг молиявий зарарни бартараф этиш қоидаларига риоя қилиш учун зарур, деб хабар беради The Sun нашри.
Бу ҳолат жиддий муаммо туғдирмоқда, чунки “Астон Вилла” бош мураббийи Унаи Эмери, шубҳасиз, Чемпионлар лигаси учун иқтидорли футболчилар кўмагидан фойдаланишни хоҳлайди.
