Malo Gyustoning fikricha, "Chelsi" Premyer-liganing eng yaxshi jamoalaridan biriga aylanishi mumkin.
37 turdan keyin londonliklar turnir jadvalida 6-o‘rinda bormoqda.
"Bizda ko‘plab iqtidorli futbolchilar bor va biz buni bilamiz. Biz Premyer-liganing eng yaxshi jamoalaridan biriga aylana olamiz.
Bu mavsum biz uchun omadli kechmayapti. Mavsum boshi og‘ir kechganini bilamiz, ammo uni yaxshi yakunlashimiz kerak – biz shunday qilyapmiz ("ko‘klar" ketma-ket 4 uchrashuvda g‘alaba qozonishdi)
Murabbiylar shtabini qo‘llab-quvvatlashimiz kerak va bu asosiysi. O‘ylaymanki, shuning uchun ham so‘nggi o‘yinlarda yaxshilandik.
Biz faqat o‘yindan zavq olishimiz, birdam bo‘lishimiz va mavsumni yaxshi yakunlashimiz kerak", - dedi "Chelsi" himoyachisi.
