Tailandning Bangkok shahrida Markaziy Osiyo futbol assosiasiyasining 9-Kongressi o‘tkazildi. Unda O‘zbekiston futbol assosiasiyasi birinchi vise-prezidenti, CAFA hakamlar qo‘mitasi raisi Ravshan Irmatov ham ishtirok etishdi.

Kongress avvalida CAFAga a’zo davlatlarning qo‘shnichilik va hamkorlik munosabatlari yangi bosqichga chiqayotgani alohida ta’kidlandi. Mintaqada futbol rivojlanib borayotgani, bu borada barcha a’zo mamlakatlar katta sa’y-harakatlarni amalga oshirayotgani qayd etildi.

Kongressda asosiy e’tibor o‘tgan yilgi ishlar sarhisobi va keyingi rejalar muhokamasiga qaratildi. Taqvimga ko‘ra yil davomida CAFA shiori ostida o‘tgan musobaqalar tahlil qilindi. O‘tgan yili ilk marotaba milliy terma jamoalar ishtirokida o‘tgan "CAFA Nationʼs Cup" musobaqasi o‘tkazilganligi, kelgusida barcha terma jamoalar ishtirokida tizimli ravishda musobaqalar o‘tkazish takliflar ilgari surildi.

Shuningdek, a’zo assosiasiyalarning bir qator takliflari o‘rganib chiqildi. Mintaqada hakamlikni rivojlantirish, yangi bosqichga olib chiqish va musobaqalarda zamonaviy texnologiyalarni joriy etish borasida fikr almashildi. Doimiy ravishda amaliy va nazariy kurslar tashkil etish, VAR tizimi ko‘nikmalarini egallash bo‘yicha mashg‘ulotlar, FIFA va OFK dasturlari asosda o‘quv-yig‘inlar o‘tkazish, muntazam onlayn seminarlar tashkil etish bo‘yicha kelishib olindi.