“Andijon” – “Metallurg” (1:1) uchrashuvidan keyingi matbuot anjumanida "Metallurg" bosh murabbiyi Vesko Steshevich ishtirok etdi.
- Jangovar ruhdagi o‘yinni guvohi bo‘ldik. Ikkala jamoa ham yetarlicha kurashdi. Birinchi taymda ikkita yaxshi imkoniyatimiz bo‘lgandi. Lekin bundan to‘liq foydalana olmadik. Tanaffusdan keyin yaxshi vaziyatlarga ega bo‘ldik. Darvozabonimiz ham mahorat ko‘rsatdi. Afsuski, g‘alabani saqlab qola olmadik.
- Darvozabonning holati yaxshimi? Unda jarohat borga o‘xshadi...
- Uni hali to‘liq ko‘zdan kechirmadim. Menimcha, unda hammasi yaxshi, deb o‘ylayman.
- “Metallurg” hali yutmadi. Lekin “Paxtakor”ga qarshi munosib o‘yin ko‘rsatdi. Bugun durang qayd etdi. Asta-sekin o‘yin sifati yaxshilanyapti. Jamoa g‘alabaga qarab ketyapti.CHempionatdagi ilk g‘alabasini tez kunda ko‘rishimiz mumkinmi?
- O‘rinli va mazmunli savol. Fikrlaringizga qo‘shilaman. Turdan-turga o‘yinimizni yaxshilab boryapmiz. Afsuski, o‘tgan turda penaltini amalga oshira olmadik. Bugungi o‘yinda ham gol urgan futbolchimiz yaxshi natija ko‘rsatyapti, uni qo‘llab-quvvatlaymiz. Bugun yaxshi harakat qildik. Ammo bir-ikki vaziyatdagi xatolarimiz evaziga gol o‘tkazib yubordik. Agar g‘alabani saqlab qolganimizda o‘yinchilarimizga va barchamizga chin ma’noda mukofot bo‘lardi. Bergan savolingizni qo‘llab-quvvatlayman. O‘yindan-o‘yinga natijalarimiz yaxshilanib boryapti.
- Jorjevich yangi transfer sifatida olingandi. U haqida fikringiz? o‘rinboyevning holati qanday?
- Zabihilloni jarohati bor. Sekin-asta tikkalanyapti. O‘ylaymanki, 10 kunlardan keyin mashg‘ulotlarimizda qatnashishni boshlaydi. Individual shug‘ullanishga kirishdi. Barchamiz jamoamiz sardorini tezroq maydonga qaytishini xohlaymiz. Ammo bunga biroz muddat kerak. Boshqa o‘yinchilarimiz ham imkon qadar harakat qilishyapti. Jorjevich ham intilyapti. Milichkovich ham boshida qiynalgandi. Mana, hozir ancha yaxshilanib boryapti.Barcha futbolchilarimizni yaxshi formada bo‘lishi uchun hamma imkoniyatlarimizni ishga solyapmiz" - dedi "Metallurg" ustozi.
