"Sporting" ushbu Portugaliya chempionatida bir nechta klub rekordlarini o‘rnatdi.
Ruben Amorim jamoasi birinchi o‘rinni egallab, 20-marta chempionlikni qo‘lga kiritdi. Lissabonliklar o‘z tarixida birinchi marta 90 ochko jamg‘arib, ilk bor 29 ta g‘alaba (34 o‘yinda) qo‘lga kiritildi. Liga tarixidagi eng yaxshi natija 91 ochko ("Portu" - 2021/22).
Joriy mavsumda “Sporting” o‘z uyida o‘tkazilgan 17 ta o‘yinning barchasida g‘alaba qozonib, Joze Mourinyo qo‘l ostidagi “Portu”ning 2003/04 yilgi rekordini takrorladi.
Shuningdek, “sherlar” hisobida 96 ta gol bor. Oxirgi marta ular 1973/74 yilgi mavsumda bunchalik ko‘p gol urishgan.
