"Спортинг" ушбу Португалия чемпионатида бир нечта клуб рекордларини ўрнатди.

Рубен Аморим жамоаси биринчи ўринни эгаллаб, 20-марта чемпионликни қўлга киритди. Лиссабонликлар ўз тарихида биринчи марта 90 очко жамғариб, илк бор 29 та ғалаба (34 ўйинда) қўлга киритилди. Лига тарихидаги энг яхши натижа 91 очко ("Порту" - 2021/22).

Жорий мавсумда “Спортинг” ўз уйида ўтказилган 17 та ўйиннинг барчасида ғалаба қозониб, Жозе Моуриньо қўл остидаги “Порту”нинг 2003/04 йилги рекордини такрорлади.

Шунингдек, “шерлар” ҳисобида 96 та гол бор. Охирги марта улар 1973/74 йилги мавсумда бунчалик кўп гол уришган.