"Sporting" bosh murabbiyi Ruben Amorim "Liverpul"ni boshqarmadi, chunki Portugaliya klubi prezidenti "mersisaydliklar" bilan muzokaralarning so‘nggi bosqichida mutaxassis bilan shartnomani sotib olish shartlarini o‘zgartirdi, deb xabar bermoqda Caughtoffside nashri.

"Liverpul" va "Sporting" o‘rtasida murabbiy Portugaliya jamoasini tark etishi va APL klubini boshqarishi borasida kelishuvga erishildi. Tovon puli sifatida “Sporting” kelishilgan holda 10 million yevro olishi kerak edi.

Ammo keyin Portugaliya klubi prezidenti Frederiku Varandash o‘z talablarini o‘zgartirib, bu miqdorni 20 million yevroga ko‘tardi. Shundan so‘ng, "Liverpul" rahbariyati muzokaralardan voz kechishga qaror qildi.

Amorim boshchiligida “Sporting” joriy mavsumda Portugaliya chempioniga aylandi.

Oldinroq "Liverpul" "Feyenoord" bilan kelishuvga erishgani, u niderlandiyalik bosh murabbiy Arne Slotni taxminan 15 million yevro evaziga qo‘yib yuborgani ma’lum bo‘lgandi. Yaqinda 45 yoshli mutaxassisning o‘zi ham kelasi yili "Liverpul" bilan hamkorlik qilishini tasdiqladi.