"Спортинг" бош мураббийи Рубен Аморим "Ливерпул"ни бошқармади, чунки Португалия клуби президенти "мерсисайдликлар" билан музокараларнинг сўнгги босқичида мутахассис билан шартномани сотиб олиш шартларини ўзгартирди, деб хабар бермоқда Caughtoffside нашри.
"Ливерпуль" ва "Спортинг" ўртасида мураббий Португалия жамоасини тарк этиши ва АПЛ клубини бошқариши борасида келишувга эришилди. Товон пули сифатида “Спортинг” келишилган ҳолда 10 миллион евро олиши керак эди.
Аммо кейин Португалия клуби президенти Фредерику Варандаш ўз талабларини ўзгартириб, бу миқдорни 20 миллион еврога кўтарди. Шундан сўнг, "Ливерпуль" раҳбарияти музокаралардан воз кечишга қарор қилди.
Аморим бошчилигида “Спортинг” жорий мавсумда Португалия чемпионига айланди.
Олдинроқ "Ливерпуль" "Фейеноорд" билан келишувга эришгани, у нидерландиялик бош мураббий Арне Слотни тахминан 15 миллион евро эвазига қўйиб юборгани маълум бўлганди. Яқинда 45 ёшли мутахассиснинг ўзи ҳам келаси йили "Ливерпуль" билан ҳамкорлик қилишини тасдиқлади.
