"Bayer" bosh murabbiyi Xabi Alonso mavsumga baho berdi. "Dorishunoslar" tarixda birinchi marta Germaniya chempioni bo‘lishdi va bir marta ham mag‘lub bo‘lishmadi.

"Biz bu kunlarni uzoq vaqt eslaymiz. Ushbu kubokni qo‘lga kiritish har bir inson uchun alohida voqea. G‘alaba to‘liq haqli. Biz esa chempionatni mag‘lubiyatsiz yakunladik – “Verder” bilan o‘yindan keyingi maqsadimiz shu edi. Men jamoa bilan faxrlanaman, xursandman.

Biz erishgan yutuqlarimiz, o‘yinimiz bilan faxrlanishimiz mumkin. 90 ochko, birorta mag‘lubiyatsiz - hammasini to‘liq tushunishimiz uchun biroz ko‘proq vaqt kerak bo‘ladi. Futbolchilar bu lahzadan zavq olishlarini istayman, ular bunga loyiq. Katta sa’y-harakatlar amalga oshirildi.

"Leypsig"ga qarshi birinchi o‘yinimizni o‘tkazgan avgust oyidan boshlab bugungacha futbolchilar har doim yaxshi tayyorgarlik ko‘rishgan, bor e’tiborini ishga qaratgan va birorta ham yomon o‘yin o‘tkazmagan. Ehtimol, vaqt bor edi, lekin keyin reaksiya keldi. Bu Bundesligada birinchi marta sodir bo‘ldi. Jamoamiz liga tarixiga oltin harflar bilan yoziladi", - dedi Xabi Alonso Bild bilan suhbatda.

"Bayer" yana 2 ta sovrin yutishi mumkin. 22 may kuni leverkuzenliklar Yevropa ligasi finalida “Atalanta” bilan, 3 kundan so‘ng esa Germaniya kubogi finalida “Kayzerslautern” bilan o‘ynaydi.