"Arsenal" bosh murabbiyi Mikel Arteta 2023/2024 yilgi mavsumda APLda ikkinchi o‘rin haqida fikr bildirdi.

"Men juda faxrlanaman. Avvalo, "Manchester Siti"ni chempionlik bilan tabriklayman - ular dekabrdan beri aql bovar qilmaydigan ishlarni amalga oshirdi. Biz bor kuchimiz bilan harakat qildik. Ko‘ryapsizmi, biz buni qanchalik xohlayotgandik, biz juda ko‘p harakat qildik. Afsuski, bu yetarli emas edi.

Muvaffaqiyatni faqat boshqa birov bilan solishtirish bilan o‘lchab bo‘lmaydi - biz nima qilayotganimizni tushunishimiz kerak. G‘alabalardan tashqari barcha klub rekordlarini yangiladik. Bu eng raqobatbardosh liga va biz eng yaxshi bo‘lishimiz kerak. Endi biz yanada rivojlangan bo‘lish yo‘llarini topishimiz kerak.

“Arsenal”ga kelganimda orzum barchani birlashtirish va bu klubni chinakam yangi bosqichga olib chiqish edi. Biz hozir bu yo‘ldamiz. Men xafaman, chunki men chempionlikni qo‘lga kiritishni juda xohlardim, chunki bu muxlislar uchun juda muhim bo‘lardi, ammo biz chempionlikka yaqinroqmiz.

Endi biz yanada dadil, qat’iyatli, shijoatli bo‘lishimiz kerak, yangi bosqichga ko‘tarilishimiz kerak. Muvaffaqiyatga erishishimiz kerak”, - dedi Arteta BBC bilan suhbatda.