Xabaringiz bor, Arne Slot 1 iyundan boshlab «Liverpul»da ish boshlaydi. Mutaxassis allaqachon yangi mavsum uchun o‘z rejalarini tuzishni boshlagan.
"The Telegraph" xabariga ko‘ra, yangi mavsumga avval tasdiqlanganidek 8-15 iyul kunlaridan yig‘inni boshlashi kutilgan «qizillar» bu rejaga o‘zgartirish kiritdi. Arne Slot rahbariyatdan yig‘inni 1-7 iyul kunlariga ko‘chirishni va bunga sharoit yaratib berishni so‘ragan. O‘z navbatida klub rahbariyati murabbiyning bu istagini qanoatlantirgan.
Shuningdek, niderlandiyalik mutaxassis o‘z terma jamoalari bilan Yevro-2024 va Kopa Amerika musobaqalarida ishtirok etadigan futbolchilariga terma jamoasi qaysi bosqichga yetib borishidan qat’iy nazar turnir tugaganidan so‘ng yana ma’lum muddat dam berilishini aytgan.
