Хабарингиз бор, Арне Слот 1 июндан бошлаб «Ливерпуль»да иш бошлайди. Мутахассис аллақачон янги мавсум учун ўз режаларини тузишни бошлаган.
"The Telegraph" хабарига кўра, янги мавсумга аввал тасдиқланганидек 8-15 июль кунларидан йиғинни бошлаши кутилган «қизиллар» бу режага ўзгартириш киритди. Арне Слот раҳбариятдан йиғинни 1-7 июль кунларига кўчиришни ва бунга шароит яратиб беришни сўраган. Ўз навбатида клуб раҳбарияти мураббийнинг бу истагини қаноатлантирган.
Шунингдек, нидерландиялик мутахассис ўз терма жамоалари билан Евро-2024 ва Копа Америка мусобақаларида иштирок этадиган футболчиларига терма жамоаси қайси босқичга етиб боришидан қатъий назар турнир тугаганидан сўнг яна маълум муддат дам берилишини айтган.
