Madridning “Real” klubi sobiq yarim himoyachisi Marko Asensimo Fransiyaning “PSJ” klubini tark etib, vataniga qaytishi mumkin. Bu haqda Todofichajes portali sahifalarida xabar berildi.

Ispaniya chempionatida yarim himoyachiga talab bor. Uning xizmatlariga poytaxtning “Atletiko” klubi qiziqmoqda. "Matraschilar" yozgi transfer oynasida futbolchini qo‘lga kiritishga harakat qilishadi. Potensial bitim qiymati 25 million yevrodan oshmasligi kutilmoqda.

Yakunlangan Fransiya chempionatida yarim himoyachi 19 ta o‘yin o‘tkazib, 4 ta gol urdi va 5 ta golli uzatmani amalga oshirdi. Markoning mehnat shartnomasi 2026 yilning o‘rtalariga qadar amal qiladi.