Aleksandr Zinchenko o‘zi va "Arsenal" uchun mavsumni sarhisob qildi. "Arsenal" Premyer-ligada "Manchester Siti"dan 2 ochko ortda qolib, 2-o‘rinni egalladi.
"Men jamoa bilan faxrlanaman va "kanonirlar" a’zosi ekanligimdan xursandman.
Klub uchun mavsum tugadi va afsuski, biz xohlagan narsaga erisha olmadik. Ammo klub to‘g‘ri yo‘lda ekanligiga ishonchim komil.
Shaxsan bu mening eng yaxshi mavsumim bo‘lmaganini bilaman va birinchi navbatda, barcha muxlislar va tanqidchilarga ancha kuchliroq bo‘lib qaytishga va’da beraman.
Kuchli qo‘llab-quvvatlaganingiz uchun katta rahmat va tez orada ko‘rishguncha", - dedi “Arsenal” himoyachisi.
