Amerikaning Oaktree jamg‘armasi Italiyaning "Inter" klubini nazoratga oldi.

Qayd etilishicha, bu Suning Group 368 million yevroni tashkil etgan kredit qarzini to‘lamaganidan keyin sodir bo‘lgan.

“Yangi mulkdorlar guruhi sifatida biz jamoa va “Inter” tarixiy merosi oldidagi ulkan mas’uliyatni tushunamiz. Biz "neradzurri"ning uzoq muddatli muvaffaqiyatiga sodiqmiz va bizning klubga bo‘lgan ambisiyalarimiz uning Italiyadagi va butun dunyodagi ishtiyoqli muxlislarinikiga mos kelishiga ishonamiz.

Bizning dastlabki maqsadimiz klubning operasion va moliyaviy barqarorligini ta’minlashdir. Biz “Inter” rahbariyatiga katta hurmat bilan qaraymiz va klub uchun kuchli yetakchilikni ta’minlash uchun ular bilan yaqin hamkorlik qilishni intiqlik bilan kutamiz. Ikkinchi yulduzni qo‘lga kiritish klub uchun hal qiluvchi lahza bo‘ldi va bizning maqsadimiz uzoq muddatli o‘sish va farovonlik sari maydonda erishgan muvaffaqiyatimizni davom ettirishdir”, dedi Oaktree bosh direktori Alexandro Kano.