Американинг Oaktree жамғармаси Италиянинг "Интер" клубини назоратга олди.
Қайд этилишича, бу Suning Group 368 миллион еврони ташкил этган кредит қарзини тўламаганидан кейин содир бўлган.
“Янги мулкдорлар гуруҳи сифатида биз жамоа ва “Интер” тарихий мероси олдидаги улкан масъулиятни тушунамиз. Биз "нерадзурри"нинг узоқ муддатли муваффақиятига содиқмиз ва бизнинг клубга бўлган амбицияларимиз унинг Италиядаги ва бутун дунёдаги иштиёқли мухлислариникига мос келишига ишонамиз.
Бизнинг дастлабки мақсадимиз клубнинг операцион ва молиявий барқарорлигини таъминлашдир. Биз “Интер” раҳбариятига катта ҳурмат билан қараймиз ва клуб учун кучли етакчиликни таъминлаш учун улар билан яқин ҳамкорлик қилишни интиқлик билан кутамиз. Иккинчи юлдузни қўлга киритиш клуб учун ҳал қилувчи лаҳза бўлди ва бизнинг мақсадимиз узоқ муддатли ўсиш ва фаровонлик сари майдонда эришган муваффақиятимизни давом эттиришдир”, деди Oaktree бош директори Алехандро Кано.
