Yaponiya mezbonlik qilayotgan para yengil atletika bo‘yicha Jahon chempionatida bugun o‘zbekistonlik Husniddin Norbekov oltin medalga sazovor bo‘ldi.
Bu haqda O‘zbekiston Paralimpiya qo‘mitasi matbuot xizmati xabar berdi.
Erkaklar o‘rtasida F35 klassida yadro uloqtirish dasturida ishtirok etgan Husniddin Norbekov 16,37 metr natija ko‘rsatib, shohsupaning eng yuqori pog‘onasidan joy oldi va faoliyati davomida to‘rtinchi marta jahon chempioni bo‘ldi.
Bungacha Norbekov 2015 yil Dohada, 2017 yil Londonda va 2019 yil Dubayda o‘tkazilgan dunyo birinchiligida zafar quchgandi.
Shuningdek, u Paralimpiada o‘yinlarining 2 ta yo‘nalishida 1-o‘rinni qo‘lga kiritgan.