“Barselona” bosh murabbiyi Xavi yevrokuboklardagi ikkita o‘yinga diskvalifikasiya qilindi, deb xabar beradi AS.
Mutaxassis Chempionlar ligasi 1/4 finalining "PSJ" bilan javob uchrashuvida (1:4) qizil kartochka oldi. Xavi yana bosh hakam Ishtvan Kovachning qaroridan noroziligini emosional tarzda bildirdi.
Qayd etilishicha, hakam bilan kelishmovchiliklar tufayli kataloniyaliklar himoyachisi Serxi Roberto ham ikki o‘yinga diskvalifikasiya qilingan. 32 yoshli ispaniyalik sariq kartochkalar ko‘pligi tufayli parijliklar bilan o‘yinni o‘tkazib yubordi, ammo shunga qaramay maydonga chiqib ketib, hakamga nisbatan behayo so‘zlarni ishlatdi.
Bundan tashqari, Kataloniya klubi o‘yin vaqtida muxlislarning nomaqbul xatti-harakatlari tufayli 60 ming yevro jarimaga tortildi.
