“Барселона” бош мураббийи Хави еврокубоклардаги иккита ўйинга дисквалификация қилинди, деб хабар беради AS.
Мутахассис Чемпионлар лигаси 1/4 финалининг "ПСЖ" билан жавоб учрашувида (1:4) қизил карточка олди. Хави яна бош ҳакам Иштван Ковачнинг қароридан норозилигини эмоционал тарзда билдирди.
Қайд этилишича, ҳакам билан келишмовчиликлар туфайли каталонияликлар ҳимоячиси Серхи Роберто ҳам икки ўйинга дисквалификация қилинган. 32 ёшли испаниялик сариқ карточкалар кўплиги туфайли парижликлар билан ўйинни ўтказиб юборди, аммо шунга қарамай майдонга чиқиб кетиб, ҳакамга нисбатан беҳаё сўзларни ишлатди.
Бундан ташқари, Каталония клуби ўйин вақтида мухлисларнинг номақбул хатти-ҳаракатлари туфайли 60 минг евро жаримага тортилди.
