Muhayyo Abdusattorova Parij-2024 yozgi Paralimpiya o‘yinlariga lisenziyani qo‘lga kiritdi!
Joriy yilning, 19-21-may kunlari Shveysariyaning Lyusern shahrida para akademik eshkak eshish bo‘yicha Parij-2024 yozgi Paralimpiya o‘yinlari uchun lisenzion musobaqa bo‘lib o‘tdi.
Ushbu musobaqaning ayollar o‘rtasida M1X klassida 2000 metr masofaga o‘tkazilgan bahslarda startga chiqqan hamyurtimiz Muhayyo Abdusattorova barcha raqiblarini ortda qoldirgan holda marraga birinchi bo‘lib yetib keldi va musobaqaning oltin medali hamda Parij-2024 yozgi Paralimpiya o‘yinlariga to‘g‘ridan-to‘g‘ri lisenziyani qo‘lga kiritdi.